Қарағанды облысына сапар аясында Премьер-министр бірқатар өнеркәсіп орнына барды .
Үкімет басшысы Олжас Бектенов Саран қаласында шиналар шығаратын зауытта болды. Кәсіпорын импортқа тәуелділікті азайтып, жергілікті өндірісті дамытуға бағытталған. Сондай-ақ ол мырышталған металл бұйымдарын өндіретін кәсіпорнының ұжымдарымен кездесті. Әрі қарай Олжас Бектеновтың жұмыс сапары Теміртауда жалғасты. Онда Премьер-министр металлургия комбинатының, сүт-тауар фермасының жұмысымен танысып, жылу желілерін қайта құру учаскесін қарап шықты.
Ғалым Әшімов, Теміртау қаласының әкімі:
- Теміртау қаласында жылу беретін жүйенің өзі 425 шақырымдай бар. Оның ішінде 171 шақырымы магистральды жүйе, 254 шақырым ықшам аудандардың ішіндегі жүйелер. Теміртауда 367 шақырым құбырлар бар. Оның ішінде 91,5 шақырымды жөндеуге жоспарлап отырмыз.
