Вьетнамға қазақстандық бидайдың алғашқы легі экспортталды.
Жоғары сапалы өнім тиелген пойыз Қытайдың Ляньюньган портына жетті. Бұл Вьетнамға арналған сегіз құрамның алғашқысы. Ол жалпы салмағы 1,7 мың тоннаны болатын 62 контейнерден құралған. Контейнерлер кемелерге қайта тиелгеннен кейін, бидай Вьетнамның Хайфон портына жеткізіледі. Ляньюньган портындағы логистикалық база «бір контейнер – бір сервис» қағидасымен жұмыс істейтіні айтылған. Осы технологияның арқасында темір жолдан теңіз портына өту уақыты небәрі бір сағатқа созылды. Сонымен қатар қазақстандық бидай барлық рәсім жедел жүргізілетін «жасыл дәліз» арқылы өтеді. Астықтың алғашқы партиясы Ақмола облысында дайындалған. Жалпы Вьетнамға шамамен 15 мың тонна бидай жеткізіледі деген жоспар бар.
