АҚШ-тың Миннесота штатында бір депутатты күйеуімен қоса атып өлтірген және бір сенаторды әйелімен бірге ауыр жаралаған күдікті ұсталды. Полиция оны екі күннен бері ұстай алмаған еді. Қанды оқиға түн ішінде Миннеаполис маңындағы Чамплин мен Бруклин-Парк қалаларында болған. Күдікті екі саясаткердің үйіне полиция киімінде барып, жергілікті заң шығарушы депутат Мелисса Хортман мен оның күйеуін тура маңдай тұсынан атып өлтірген. Бұдан кейін сенатор Джон Хоффманның үйіне барып бірнеше рет оқ атқан. Ауыр жараланған Хоффман мен жұбайы жансақтау бөлімінде жатыр. Қаза тапқан және жараланғандардың барлығы демократиялық партияның мүшелері. Сондықтан губернатор бұл шабуылдарды саяси астары бар қастандық деп бағалады. Ал полиция оның үйі мен көлігін тінту кезінде жаңа құрбандардың тізімін тапқан. Бірінші тізімде 70 адамның есімі бар болса, екіншісінде тағы оннан астам адам көрсетілген. Тізімдегілердің басым бөлігі – демократтар мен аборт құқығын қолдайтын тұлғалар.
Жалғас Сәдібекұлы
