АҚШ-тағы саяси текетірес күшейіп келеді. Калифорниядағы ұлттық гвардия кімнің бақылауында болуы тиіс?
Бұл мәселені енді апелляциялық сот қарайды. Федералды сот президент Дональд Трамптың әрекетін заңсыз деп танып отыр. Алайда Ақ үйдің арызынан кейін бұл шешімді аппеляциялық сот уақытша тоқтатты.
Ердана Ержанұлы, тілші:
- Калифорниядағы ұлттық гвардия федералды үкіметтің бақылауында қала береді. Аппеляциялық сот осындай шешім шығарып, Трамтың бұйрығын заңсыз деп тануды тоқтатты. Яғни, соттардың арасында алауыздық туды. Жалпы шешімнің осындай деңгейге дейін жетуін Калифорния әкімшілігі жоғары бағалап отыр.
Бұл шешімге қатысты Дональд Трамп өзінің Truth Social әлеуметтік желісінде пікір білдірді. Ол аппеляциялық соттың ұлттық гвардияны президенттің басқаруында қалдыруын АҚШ-ты, америкалық қалаларды қауіпсіз етуге бағытталған шешім деп бағалады.
«Егер мен әскерді жібермегенімде қазір Лос-Анджелестің күлі көкке ұшар еді, біз шаһарды аман сақтап қалдық», — деп қысқаша қайырды. Және 21 миллион заңсыз мигранттың АҚШ-ты бүлдіріп жатуына алдыңғы Байден әкімшілігі мен губернатор Ньюсомды кінәлады.
Естеріңізге сала кетейік, енді бұл мәселе бойынша тыңдау алдағы сейсенбіге қалдырылды. Трамп бұйрығының заңдылығы сол кезде сараланады. Егер аппелциялық сот шешімді тоқтатпағанда дәл қазіргі сағаттан бастап Ұлттық гвардия губернатордың қол астына өтіп, бәлкім, штаттан шығарылар еді. Жалпы қазір Лос-Анджелесте Трамптың иммиграциялық рейдтерге қарсы наразылықтары бір апта бойы тоқтаусыз жалғасып жатыр. Қала мэрі Карен Басс соңғы үш күнде орталық бөліктегі аумағы 1,6 шақырым болатын аймақта коменданттық сағат енгізіп отыр. Және бұл әлі бірнеше күнге созылуы мүмкін екенін айтты.
