АҚШ-тың USAID, яғни, Халықаралық даму жөніндегі агенттігінің шетелдегі барлық кеңсесі жабылады, деп хабарлайды 24kz.
Мемлекеттік хатшы Марко Рубио елшіліктерге осындай тапсырма берді. Оның айтуынша, ұйымның міндеттері АҚШ Мемлекеттік департаментіне жүктеледі. Осыған дейін АҚШ федеральдық соты бұл шешімді уақытша тоқтату туралы үкім шығарған еді. Бірақ Рубио құрылымның шетелдегі кеңселері жоспар бойынша 30 қыркүйекке дейін жабылатынын мәлімдеді.
Айта кетейік, АҚШ президенті USAID агенттігін «қылмыстық ұйым» деп атаған болатын. Дональд Трамптың сөзінше, ұйым мемлекет қаржысын шетелде трансгендерлер мен бір жыныстылардың ұстанымын насихаттау және есірткі өндірісіне де жұмсап келген.
