Талдықорғанда Шерзат Болаттың өліміне қатысты іс бойынша сот процесі жалғасып жатыр, — деп хабарлайды Massaget.kz тілшісі.
Сот жарыссөзі кезінде мемлекеттік айыптаушы қылмыс орнында болған, бірақ іс бойынша куәгер деп танылған екі қызға қатысты деректерді қайта тексеруді сұрады. Прокурордың сөзінше, Эльмира Нұрбекова мен Дана Жақсыгелді сотты әдейі адастырған.
Прокурор Дана Сәрсенбай айғақтар беру кезінде Эльмира Нұрбекова мен Дана Жақсыгелді болған оқиғадан кейін есеңгіреп қалғанын, қорқыныштан ештеңе хабарлай алмағанын айтқанын еске салды.
"Олар телефондары сөмкеде, ал сөмкелері көлікте болғанын айтты. Бірақ видеожазбалар басқаша нәрсе көрсетті. Олар уайымсыз, еркін жүрген. Біз олар есеңгіреп қалмағанын естідік, олар жағдайды өте жақсы бағамдай алған. Жазбаға сәйкес жігіттер куәгерлерден ешкімге ештеңе айтпауын сұрайды, яғни куәгерлер барлық ақпаратты жасырды", — деді Сәрсенбай.
Шерзат ісі бойынша сот отырысы
2025 жылы 10 cәуірде Талдықорғанда Шерзат Болаттың ісі бойынша сот процесі басталды. Шерзат Болаттың өліміне қатысты іс бойынша сот отырысы тікелей эфирден көрсетіледі.
Бұған дейінгі сот отырыстарында жәбірленуші тарап өкілдері, яғни марқұмның әжесі, ата-анасы, одан бөлек куәгерлер сөйледі.
Шерзат Болаттың өлімі туралы не белгілі?
Еске салайық, Талғарда 2024 жылы 4 қазанға қараған түні жасөспірім көз жұмды, кейінірек өңірдің Полиция департаменті осы оқиғаға қатысты мәлімдеме жасады. Ал марқұм Шерзаттың отбасы бұл жайтқа қатысы барлардың бәрін ұстап, жазалауды талап етті. Қалаға ІІМ тобы жіберілді.
Талғардағы қайғылы оқиға: бейнебақылау камераларының жазбалары өшірілгені рас па?
Марқұм Салтанат Нүкенованың ағасы Талғарда көз жұмған Шерзаттың отбасына тегін қорғаушы ұсынды. Сонымен қатар, Алматы облысы Полиция департаментінің өкілі Талғардағы жаппай төбелесте күдіктілер қандай суық қару қолданғанын айтты.
"Қазақ болып күресеміз". Заңгер Талғардағы жасөспірімнің өліміне қатысты істі соңына дейін жеткізетінін айтты.
Кейінірек полиция тағы да мәлімдеме жасап, халық арасында тараған "Талғардағы жасөспірімнің өліміне бандиттердің қатысы бар" деген ақпаратқа пікір білдірді. Ал 12 қазанда Шерзат Болаттың үйі өртеніп кетті. Артынша марқұмның отбасын полиция күзететін болды.
Талғарда қаза тапқан жасөспірімнің үйі өртенді: оқиға орнынан фотолар
Кейін Шерзаттың ағасы да өлі табылды.
Қызықты жаңалықтар мен видеоларды көру үшін TikTok арнамызға жазылыңыз!
