Үй ауласында бей-берекет от жағып, кәуап пісіруге болмайды. Сейіл құрып қыр басына шыққан қараша да қауіпсіздікті қаперде қатаң ұстауы қажет.

Жаз шыққанда жұрттың көбі кәуап пісіруге құмар. Бірақ оның қаупін ескере бермейді. Ал ол қандай қауіп?

Шернияз Жалғасбекұлы, тілші:

- Тіл үйірер кәуап пісіріп, ауланы түтінге көміп жатқан қараша көп. Жақын-жуықтың басы қосылған дастарханның бір сәні осы. Дегенмен, жұрттың кәбі оның қаупі де барына аса мән бере қоймайды. Ал шала піскен ет арқылы адам ағзасына түрлі бактериялар енуі мүмкін.

Мұхамғали Арыспаев, Астана қаласы Санитариялық-эпидемиологиялық бақылау департаменті басшысының орынбасары:

- Кәуапті пісірген кезде термиялық жағдайын қадағалау тиісті. Мысалы піскендегі еттің температурасы 70 градустан төмен болмауы керек. Сонда ғана ол куәп піскен деп есептеледі. 70 градустан төмен болатын болса, әрине, шала піскен еттердің ішінде адамға зиянды бактериялар өлмейді ғой. Малда енді аурулар бар ғой. Бруцеллез, кейде енді түйнеме дейміз. Қатты күйдірмеуге де тиістіміз. Қатты күйіктің ішінде консорегенді зиянды химиялық заттар болу мүмкін.

Аулада әркім пісірген кәуаптан бөлек, дәмхана, мейрамханадағы дәмнің де сапасына мән берген жөн. Себебі Астанада үш айдың ішінде 4 адам осындай шала піскен еттен уланған. Бұл мәселенің бір жағы ғана. Кәуап пісірудің тағы бір қаупі – от жағылады. Ал даладағы оттан ұшқын шашырайды. Былтыр бас қалада 67 мәрте өрт шықса, оның дені тұрмыстағы төтенше жағдайлар. Мамандар өрттің көбі қала сыртына шығып, кәуап пісіретіндерден туындайтынын айтады. Тіпті көпқабатты үйлердің ауласын түтіндететіндер де бар. Ал бұған заңмен тыйым салынған.

Ілияс Мираш, Астана қаласы ТЖД Сарыарқа аудандық ТЖБ инспекторы:

- Әкімшілік құқықбұзушылық кодексінің 366-бабына сәйкес әкімшілік жаза қарастырылады. Жеке тұлғаға 20 АЕК, лауазымды тұлғаға 50 АЕК, кіші бизнеске 200, орта бизнеске 300, үлкен бизнеске 500 АЕК айыппұл қарастырылған.

Жалпы елде кәуап пісіруге тыйым жоқ. Тек құралыңыз, асай-мүсейіңіз сай болуға тиіс. Сосын өрт қауіпсіздігі талаптарын қатаң орындау қажет.

Ілияс Мираш, Астана қаласы ТЖД Сарыарқа аудандық ТЖБ инспекторы:

- Арнайы техникалық құралдары бар, былай айтқанда қарапайым мангал деп айтамыз ғой, сонымен ара қашықтық 18 метр болатын болса жеке тұрғын үйден бізде оған рұқсат берілген. Ал қоқыс қалдықтарын жағатын болса ол яғни бізде уже жағуға тыйым салынады.

Биылдыққа бір ғана бас қаланың өзінде 42 мәрте өрт шыққан. Бұл былтырғымен салыстырғанда 8 жағдайға көп.

«Өрттің дені жұрттың қарапайым ережелерді ескермеуінен туындаған», — дейді мамандар. Сол себепті от жақпас бұрын арнаулы құралдардың сай болуға тиіс екенін ескертеді

Авторлары: Шернияз Жалғасбекұлы, Қанат Махмутов