Астанада Нұра ауданындағы тұрғын үй кешендерінің бірінде тосын оқиға болды. Бір адам лифт ішінде қамалып, ал екіншісі лифт шахтасына түсіп кеткен. Құтқарушылар екеуін де шығарып алды, — деп хабарлайды Massaget.kz тілшісі.
ТЖД мәліметінше, оқиға 4 қарашада сағат 5:11-де болған. Құтқарушылардың айтуынша, тұрғын үй кешеніндегі лифт ішінде бір адам қалып қойған. Сонымен қатар, лифт механизмінде қысылып қалған тағы бір адам туралы ақпарат түскен.
Әлеуметтік желіде оқиғаның видеосы жарияланды.
"Жедел құтқару жасағының құтқарушылары құралдардың көмегімен лифт есігін ашып, 1994 жылы туған ер адамды шығарды. Сонымен қатар, 1987 жылы туған ер адамды лифт шахтасынан шығарды. Ол жедел жәрдем бригадасына тапсырылды", — деді ТЖД өкілі.
Аптаның басты оқиғалары мен пайдалы видеоларды көру үшін YouTube арнамызға жазылыңыз
