Ірі инвестициялық холдинг Қазақстанда британдық білім беру стандарттарын енгізуді жоспарлап отыр.
Бастама Президент Қасым-Жомарт Тоқаевтың жоғары білім беруді интернационалдандыру жөніндегі тапсырмаларын жүзеге асыру шеңберінде қолға алынды. Холдинг басшысы Алистер Бартоломью бұл жұмыс тек ірі қалаларда ғана емес, сонымен қатар өңірлік дамуға да бағытталатынын атап өтті. Мәселен, жоғары стандарттағы білім ордаларын елордамен қатар, Шымкент, Ақтау, Қарағанды қалаларында ашу жоспарланған.
Алистер Бартоломью, Primus Education Президенті:
- Біз Қазақстанда адами капиталды сақтауға тікелей көмектесеміз. Жастар мектеп деңгейінде, университет деңгейінде бастапқыда өз елінде отырып халықаралық деңгейдегі білімді ала алады. Бұл олардың болашағы үшін өте маңызды.
