Жыл басынан бері осыған қатысты 140-тан астам қылмыс тіркелген. Оның 7-еуі адам ағзасын сату, сегізі жезөкшелікпен айналысуға мәжбүрлеу, ал 11-і — жасөспірімдерді сексуалды әрекеттерге итермелеуге қатысты болған деректер. Қалған жағдайларда азаматтарды құлдыққа сату мен жеңгетейлыққа байланысты істер. Бұл туралы Астанада өткен «Заң және тәртіп: адам саудасына қарсы күрес» жиынында айтылды. Шараға қатысған Мәжіліс депутаттары былтыр адам саудасымен күреске бағытталған жаңа заңның қабылданғанын алға тартып, оны күшейту мақсатында құжатқа толықтыруларлар енгізілетінін мәлімдеді.
Марат Бәшімов, ҚР Парламенті Мәжілісінің депутаты:
- Заң қабылданғаннан кейін өткен жылмен салыстырғанда қазір тіпті көбейіп кетті. 141 қылмыстық іс қозғалған. Заңға біз тағы өзгерістер енгіземіз. Ұлттық координатор деген бар. Оны адам құқықтары жөніндегі уәкілдің құзыретіне кіргіземіз. Ол 1 жылдың ішінде проблемаларды көтеріп, бәрімен бірге үйлестіруші болып, қоғамға көмектесіп отыратын институт болады.
