Ғарыштан жүргізілген бақылау нәтижесінде 130 дан астам рұқсат етілмеген қоқыс алаңы анықталған. Оның басым бөлігі облыс орталығы Жезқазған қаласының айналасына шоғырланған. Бүгінге дейін соның небәрі жартысына жуығы ғана жойылған. Экология департаменті жауапты мамандарға жұмысты ширату жөнінде кезекті рет ескерту берді. Алайда әкімдік өкілдері: "Бейберекет шашылған қоқысты биыл толық жою мүмкін емес", — дейді. Жазда жиналған аумақтарға қайтадан қоқыс толып қалған.
Шабдан Тынымбаев, Экология департаментінің бөлім басшысы:
- 133 орын анықталды. Оның 7 орны Сәтбаев қаласына тиесілі болды. қалған 126 орны Жезқазған қаласына тиесілі болды. Жезқазған қаласы бойынша бүгінгі таңда жаз айындағы істелген жұмыстар қорытындысы бойынша 37 рұқсатсыз тасталған орындар жойылып, алынып тасталды. Қалған орындарды алу барысында жұмыстар жалғасуда.
