Бүгін Абай атындағы Қазақ ұлттық опера және балет театры Татарстанда Хамит Шанғалиевтің «Хан Сұлтан. Алтын Орда» операсының халықаралық премьерасын ұсынады. Қойылым Қазан қаласында Муса Жәлел атындағы Татар академиялық опера және балет театрында сахналанады. Гастроль Қазақстан Конституциясының 30 жылдығы орай ұйымдастырылған. Жоба Қазақстанның Мәдениет және ақпарат министрлігі мен Татарстанның Мәдениет министрлігі және еліміздің Қазандағы Бас консулдығының қолдауымен ұйымдастырылып отыр. Қойылымға 250 өнер иесі, оркестр, хор, балет труппасы және 16 тоннадан астам сахналық декорация мен костюмдер жеткізілді. Билеттер санаулы күнде сатылып кеткен. Өйткені аты аңызға айналған театрдың қойылымына қызығушылық өте жоғары. Опера классикалық өнер мен заманауи технологияны біріктіріп , көрерменге ерекше әсер сыйламақ.
Ақниет Балтанова
