Түркістандық жас көкпаршылар – ел чемпионы. Талғарда көкпардан жасөспірімдер арасындағы ел біріншілігі аяқталды, деп хабарлайды 24kz.
Дүбірлі додада 14 команда мықтылық байқасты. Түркістан облысының жастары жартылай финалда батысқазақстандықтарды ойсырата жеңді. Сөйтіп, финалда Жамбыл облысының командасымен кездесті. Тартысты ойынның негізгі уақыты 7:7 есебімен тең аяқталды. Ал қосымша уақытта Түркістан ойыншысы Айтуған Ерболат «Алтын салым» салып, командасына жеңіс сыйлады.
