Оның басты себептерінің бірі – жолаушылардың рейске кешігіп келуі.

Отандық лоукостер – FlyArystan әуе компаниясының хабарлауынша, 2024 жылы әр рейске билет алған орта есеппен бес жолаушы отырмаған. Олардың арасында рейске кешігіп келгендердің үлесі басым.

"Бұл жағдайда оның әуебилеті жарамсыз болып қалады және қайтаруға немесе айырбастауға жатпайды. Билетті басқа рейске ауыстыру ішкі бағыттарда – ұшуға кемінде 2 сағат, халықаралық бағыттарда – кемінде 3 сағат қалғанда ғана мүмкін және бос орындар болған жағдайда жүзеге асырылады", – деп ескертті әуе компаниясының өкілдері.

Түсіндіре кетейік, рейстің уақытылы ұшып-қонуы лоукостерлер үшін айрықша маңызды. Өйткені, FlyArystan қолданатын лоукост-модельде рейстердің көбі айналымдық принципі бойынша орындалады. Бұл ұшақ әуежайға қонып, небәрі 30 минуттан кейін келесі рейске ұшатынын білдіреді. Мұндай қысқа уақыт аралығы әуе кемесін тиімді пайдалануға мүмкіндік береді. Әуе кемесінің әрбір жоспардан тыс тоқтап тұру минуты қосымша шығындарға және басқа бағыттардағы тізбекті кідірістерге әкелуі мүмкін. Оның салдарынан әуежайдағы бөлінген уақыт слоттарын жоғалтуға және билеттер бағасының қымбаттауына әкелуі ықтимал.

Осы орайда отандық лоукостер жолаушыларға рейске кешікпеу үшін ескеру қажет кеңестерді ұсынды. Мысалы:

  • Ішкі рейстерге кемінде 2 сағат, халықаралық рейстерге 3 сағат бұрын келіңіз.
  • Әуежайға келген бойда тіркеуден өтіп, жолжүкті тапсырып, тексеруден өтіңіз.
  • Ерте рейстерге таксиді алдын ала тапсырыс беріп, кептелістен қашу үшін ең қолайлы маршрутты жоспарлаңыз.
  • Әсіресе халықаралық рейстерде ұшатын әуежайыңыздың жергілікті уақыт белдеуін нақтылап алыңыз.
  • Әуежайдағы ақпараттық тақтадан тіркеу және отырғызу уақытын, сондай-ақ отырғызу қақпасының нөмірін үнемі тексеріп отырыңыз: отырғызу уақыты мен қақпа нөмірі билетте көрсетілгеннен өзгеруі мүмкін.

Оқи отырыңыз:

  • Мақпал Жүнісова домбыра тасымалына қатысты тағы да FlyArystan үстінен шағым айтты. Компания жауабы қандай
  • "Темірқазық": Наурыз қарсаңында FlyArystan әуе флотына жаңа ұшақ қосылады