"Еуроодақ көшбасшылары Вашингтонға Украина президентін қолдау үшін барады.
Себебі Ақ үйдегі кездесу ақпан айындағыдай жанжалға ұласып, жағымсыз аяқталуы мүмкін деп қауіптененді”. Бұл Еуроодақ және Парсы шығанағы елдерінің сауда саясаты жөніндегі кеңесші Иоганн Вейктің пікірі. Сарапшы басқосуда АҚШ вице-президенті Джей Ди Венс тарапынан Зеленскийге тағы қысым көрсетіліп, тараптар келісімге келе алмауы ықтимал дейді. Ол сондай-ақ "әлемдік экономика көп полюсті жүйеге бет алып бара жатыр. Бұл үдерісте АҚШ, Қытай және Ресей басты ойыншыларға айналып, Еуроодақ екінші қатарға ысырылып қалуы мүмкін, деп болжайды.
Иоганн Вейк, Еуроодақ және Парсы шығанағы елдерінің сауда саясаты жөніндегі кеңесшісі:
- Әділ әрі адал бейбіт келісімге қол жеткізілcе ғана жағдай тұрақталуы мүмкін. Украинаның жерлерін беру – күрделі сұрақ. Себебі БАҚ хабарлағандай, бұл мәселені сол елдің конституциясы реттейді. Бірақ Еуроодақ Зеленскийге шекара мәселесінде ымыраға келуі үшін қысым көрсетуі мүмкін. Владимир Путин мен Дональд Трамптың жасырын ниеттері де болуы ықтимал. Сондықтан не болатынын болжау қиын. Бізге тек әліптің артын бағу қалды.
