Қытайда өткен Дүниежүзілік жасанды интеллект конференциясы 800-ден астам технологиялық компания мен кәсіпкер өз жобаларын жұрт назарына ұсынды. Олардың арасында боксшылардай жұдырықтасатын роботтар да бар. Ал OpenAI компаниясы ChatGPT-дің жаңа фунциясын ұсынды.
ChatGPT-дің жаңа фукнциясы іске қосылды. Енді чат-бот қолданушыларға Study Mode, яғни Оқу режимін ұсынып отыр. Бұл функция бойынша жасанды интеллект сауалға тікелей жауап бермейді. Қолданушының өзі тапсын деп бағыт-бағдар береді. Қосымша сұрақтар қояды. Енді OpenAI компаниясы СhatGPT-ді білім беру құралына айналдыруды көздейді.
Темірлан Нұржанұлы, тілші:
СhatGPT-дегі жаңа функцияның жұмысын біз де тексеріп көрейік деп шештік. Ол жүйеге тіркелген барлық қолданушыға қолжетімді. Ең алдымен оқу режимін қосайық. Енді, физика пәнінен бір сөз есепті салайық.
Жұдырықтасатын робот
Шаршы алаңда бақ сынасқан мына роботтар Қытайда өткен Дүниежүзілік жасанды интеллект Конференциясында таныстырылды. G1 атты темір техниканың салмағы – 35 келі, бойы – 132 см. Бұл роботты қашықтықтан басқаруға болады. Денесіндегі түрлі сенсорлардың көмегімен адамша қимылдап, бокс тәсілдерін қолдана алады.
Хуан Цзявей, Unitree компаниясының өкілі:
Қазір біздің роботтар қолымен де, аяғымен де сегіз әдіс жасай алады. Қажет болса, шоу элементтерін де қосып, қалжыңдап қарсыласын арандатады. Алға да, артқа да құласа, бірден тұрып кетеді.
Маджоң ойнын меңгерген робот
Сондай-ақ Шанхайда өткен конференцияда жұрттың назары Қытайда танымал мажоң ойнын меңгерген роботқа түсті. Техника төрт адамдық үстел сайысын сараптап, шешім қабылдап, жүрістерін жасайды.
Сун Даньцин, конференция қонағы:
Адаммен ойнағаннан көрі, бұл робот әлдеқайда байсалды әрекет етеді. Оның қимылы бізге қарағанда баяу. Дегенмен, ғылым мен технология дамып жатқан заманда, болашақта бұл жүйе жетілдіріліп, нағыз адаммен ойнағандай әсер беретініне сенімдімін.
Чэн Юанпей, Psibot компаниясының тең құрылтайшысы:
Мажоң ережелері мен жүйесін жасанды интеллект моделіне енгізу ең күрделі кезең болды. Бұл басқа компанияларға қиынға соғады.
Сондықтан, жобалаушылар бұл бағытта арнайы үлкен модельдермен қосымша оқыту жұмыстарын жүргізген.
Темірлан Нұржанұлы
