Абай облысының төрт мыңнан астам тұрғыны рұқсат етілмеген жерге қоқыс тастағаны үшін жауапқа тартылды.
Олар полиция жүргізген рейдтер мен бейнебақылау камералары арқылы ұсталды. Темекі тұқылдарын тастайтындар мен үй маңында қоқыс қалдыратындар айыппұл арқалады. Кейбір елді мекендерде бейберекет төгілген қалдықтар пайда болған. Бұл жағдай көше тазалығына және балалардың қауіпсіздігіне теріс әсер етуі мүмкін деп алаңдайды тұрғындар.
Мөлдір Жолшиева, қала тұрғыны:
- 3 жыл болған шығар көшіп келгенімізге. Қыстың уақытында келгенбіз. Ол кезде мына жер қатты бізге көрінбейтін. Қардың астында жатқан болатын. Сондықтан көктем шыққан соң көрдік, елдер келіп мусор тастап жатады. Мұнда қанғыған иттер көп жүреді. Балалар ойнайды, мектепке барады. Жанымызда мектеп бар бізде. Көп балалар жалғыз өздері барып келеді.
Айдын Ибраимов, қалалық учаскелік полиция инспекторы:
- Әкімшілік құқық бұзушылық туралы кодексінде көрсетілгендей 434-бабының 2-тармағы бойынша және Әкімшілік құқық бұзушылық туралы кодексінің 505-бабы бойынша 20 айлық есептік көрсеткішке жазаға тартылады.
