Астанада алғаш рет параспортшылар арасында боччадан халықаралық жарыс өтеді .
20-28 тамыз аралығында ұйымдастырылатын турнирге 14 мемлекет қатысады. Бағдарлама жеке, жұптық және командалық сайыстардан тұрады. Қазақстан намысын 10 спортшы қорғайды. Бұл дода 2028 жылы Лос-Анджелесте өтетін Паралимпиада ойындарына іріктеу іспетті. Тағы рейтингтік ұпайлар жинауға мүмкіндік береді. Айта кеткен жөн, бочча спорты елімізде 2018 жылы тірек-қимыл жүйесі бұзылған балалардың ата-аналары ұйымдастырған секция ретінде пайда болды. Ал 2021 жылы Қазақстан бочча федерациясы құрылып, 2023 жылы ол Халықаралық бочча федерациясының ресми мүшесі атанды.
Назым Жанғазинова, Қазақстан бочча федерациясының вице-президенті:
- Бұл жарыс Astana 2025 World Boccia Challenger деп аталады. Бұл халықаралық бочча федерациясының ресми жарысы. Негізі бұл жарыстың біздің елімізде, елордада өтуінің маңызы өте зор. Бұл Қазақстанның халықаралық жарыстарды өткізе алатынын, инклюзиядағы спортты дамытып, ұйымдастыра алатынын көрсететін мықты көрсеткіш.
