Иранда Израильдің әуе шабуылынан 639 адам қаза тауып, 1329 адам жараланған. Бұл — Вашингтонда орналасқан Human Rights Activists құқық қорғау ұйымының мәлімдеті. Соңғы мәліметтерге қарағанда, Израиль Тегеранға әуе шабуылын жалғастырып жатыр. Армия Арак пен Хондаб қалаларының тұрғындарына эвакуция туралы ескерту жасаған. БҰҰ ертең Тегеранның өтінішімен екінші шұғыл отырыс өткізбек.
Исмаил Багаи, Иран сыртқы істер министрлігінің өкілі:
Ислам Республикасы қорғану мақсатында әскери нысандарға шабуыл жасады. Ал Израиль жазықсыз азаматтарымызды өлтіріп жатыр. Иран иудаизмнің дұшпаны деген насихат жалған екенін айтқым келеді.
АҚШ президенті Дональд Трамп Израильге қосылып, Иранға соққы беру жоспарын қолдаған. Алайда оны жүзеге асыруды кейінге қалдырды. Себебі Трамп Иран ядролық бағдарламасынан бас тартуы мүмкін деп үміттеніп отыр. Әлемдік БАҚ-тар АҚШ авиациясы Иранның Фордодағы жер асты уран байыту зауытына шабуыл жасауы мүмкін екенін жазды.
Арай Төлегенқызы
