Астанада медицина қызметкері күніне орай денсаулық сақтау саласының 20-дан астам маманына «Алтын шипагер» жүлдесі табысталды. 7 аталым бойынша өткен шараның басты ерекшелігі кәсібін ұрпақтан ұрпаққа жалғастырып келе жатқан медицина қызметкерлеріне айрықша құрмет көрсетілді. Оларға алғыс хаттар, дипломдар мен төсбелгілерден бөлек, салмағы жарты килограмға жуық тау хрусталінен жасалған мүсінше берілді. Айта кетейік, «Алтын Шипагер» сыйлығы 2018 жылдан ұйымдастырылып келеді.
Нұрлан Қоныртаев, дәрігер, анестезиолог:
Мен бірінші терапевт болдым, содан кейін 1983 жылы анестизиологқа кеттім. Содан бері врач анестезиолог болып жұмыс істеп келе жатырмын. Өте қуаныштымын. Осындай жасқа келіп, әлі де жұмыс істеп жүрген денсаулығыма да қуаныштымын. Еңбегімізді елегеніне, күнделікті тұрмысымызға қуат беріп жатыр. Әлі күнге дейін 90 жасқа жетемін деп ойлаймын осындай көңілмен.
