Тұрғындармен қатар түрлі мекеме ұжымдары да «Таза Қазақстан» жалпыұлттық акциясына белсенді атсалысып жүр, деп хабарлайды 24kz.
Дүниежүзілік қоршаған ортаны қорғау күні сондай кәсіпорындардың ерекше көзге түскен өкілдеріне сый-құрмет көрсетілді. Жыл басынан бері бірнеше рет өткен сенбіліктерге облыстың 125 мыңнан астам тұрғыны қатысқан. Саябақтар мен аулаларды қоқыстан тазалап, су қоймаларының жағалауын ретке келтірді. Экоакцияларға үш мыңнан астам компанияның ұжымы үлес қосты. «Қала мен ауылдан бөлек, өндіріс орындарының экологиясы да басты назарда», — дейді ұйымдастырушылар.
Дархан Шаңғырбаев, мұнай компаниясының экология бөлімінің басшысы:
- Біз барлық экологиялық талаптарды сақтап отырмыз. Ешқандай бүліну деген жоқ. Жалпы қазақстандықтарға қоршаған ортаны сақтап, таза ұстауға шақырамын.
