Атырауда CAD Skills республикалық чемпионаты мәресіне жетті , деп хабарлайды 24KZ. Техникалық және кәсіптік білім беру ұйымдарының студенттері үш күн бойы алған білімі мен жиған тәжірибесін көрсетті.
Олардың жұмысын 17 сарапшы бағалады. Студенттер 3D модельдеу, машина бөлшектерін құрастыру және кері модельдеу секілді үш бағытта сынға түсті. Республикалық байқау «жұмысшы мамандықтар жылы» аясында ұйымдастырылды. «Мұндай іс-шара студенттердің кәсіби дамуына және жаңа технологиялармен танысуына мүмкіндік береді», – дейді ұйымдастырушылар.
Бағыт Шеркешбаева, С. Мұқашев атындағы Атырау политехникалық жоғары колледжінің басшысы:
- 17 қатысушы бар. Әр қатысушы студенттің өзінің сарапшысы болады. Одан бөлек, өзіміздің жұмыс беруші мекемелерден тәуелсіз сарапшыларды да қосып отырмыз. Өндірістегі инженерлер өздерінің бүгінгі таңда жасап жатқан жұмысындағы бағалауды да осы жерде қолданып жатыр.
