Қазақстандық теннисші Александр Бублик Франция ашық чемпионатының («Ролан Гаррос») ширек финалында әлемдік рейтингтің көшбасшысы, италиялық Янник Синнерден жеңілді, деп хабарлайды El.kz интернет порталы.
ATP рейтингінде Бублик қазіргі уақытта 62-орында тұрса, Синнер – әлемнің бірінші ракеткасы.
Бұл кездесу 1 сағат 50 минутқа созылып, италиялықтың пайдасына шешілді – 6:1, 7:5, 6:0.
Осылайша, турнирдегі соңғы қалған қазақстандық теннисші жарыспен қош айтысты. Бұған дейін Елена Рыбакина мен Юлия Путинцева да турнир жолынан шығып қалған болатын.
