Ұлттық рухты асқақтатқан шараға әскерилер, еріктілер, спорт және мәдениет қызметкерлері мен ардагерлер қатысты, деп хабарлайды 24kz.
Мыңнан аса адам ту тұғырдың түбінде әнұранды асқақтатып, көк байрақты көкке көтерді. 12 метрлік туды ұстаған көпшілік Жастар саябағынан бастап қала көшелерімен отаншылдық бағыттағы әндерді шырқады. Шара орталық алаңдағы «Көк тудың желбірегені» патриоттық акциясына ұласты. Жастар флешмоб өткзіп, Жетісу облысының құрылғанына үш жыл толғанын көрсетті.
Аяулым Ақмолдаева, оқушы:
- ҚР азаматы мен азаматшасы болғаннан кейін бұл мереке бізге аса маңызды болып келеді. Яғни, осы мерекеде патриоттық өлеңдер, әндер шырқалды. Біз соларға қарап, өзіміздің патриоттық сезімізді күшейте алдық
Ермек Келемсейіт, облыстық ардагерлер кеңесінің төрағасы:
- Жас болсын, кәрі болсын осы мерекеде өзеріне өздері есеп берсін. Мен осындай мемлекеттің ұланы екенмін ғой. «Осындай жағдаймен келген екен ғой. Рәміздердің көрсетілген дүниенің бәрінің арғы жағында еліміздің, жеріміздің үлкен тарихы жатыр екен ғой», - деп соны түсінетін деңгейде болу керек. Содан кейін сонда көрсетілген, айтылған, бағыт берген дүниелерді бұзбауға, талабының бәрін орындауға міндеттіміз деген дүние жастардың бойында қалыптасу керек деп ойлаймын.
