Желіде Әнші Мақпал Жүнісова қызы Мерей Заманбекқызы жайлы айтқан видео таралды, деп хабарлайды Skifnews .kz ақпарат порталы.
Әнші өз сөзінде қызы Мерейді бауырынан асырап алу туралы идеяны марқұм жұбайы Заманбек Нұрқаділов көтергенін айтты.
«Бауырдың баласы маған ауыр болған жоқ. Мен оны аламын деп те ойлаған жоқпын ғой. Ол баланы жоспарлап, біз аламыз деген ойымыз да, жоспарымыз да болмаған. Келін екі қыз туған ғой. Содан мына қызды босанады. Содан біздің бауыр «төркініңе кет, тағы да қыз тудың» деген. Сол әңгімеге ашуланып, Зәкеңе айтамын ғой, «Құдай-ай, бізге бала бермей жатқанда тағы да қыз тудың деген не әңгіме» дедім. Сонда Зәкең былай көрсетіп (сұқ саусағымен маңдайының оң жағына көрсетті), «Есің дұрыс па? Осы сәтті пайдаланып қалайық» деп ана қызды алып кетті ғой. Аңдып отырып, осы баланы мен аламын деді. Идея менікі емес, ол Зәкеңдікі.
Мүмкін арамыз алыстап бара жатқан соң солай жасаған шығар. Сол уақыттары мен де шаршадым, арамызда бала жоқ. Зәкең болса, айғай, жан-жақтан жасалған шабуылмен жүрді. Сол кезде шіркін-ай, бір бала жүгіріп жүрсе екен деп бір армандайсың ғой», — деп Мақпал Жүнісова жан сырын ақтарды.
Желі қолданушылары осыған қатысты түрлі пікір білдірді.
«Бала тапқандікі емес. Баққандікі. Иә, Заманбек ағайдан аумайды, бақытты болсын!», «Мерейді Зәкеңе ұқсатамын», «Кім не десе о десін, Мақпал емес Зәкеңнің аузынан түскен сиякты, аумайды», «Мерей тура Заманбек мырзаға қатты ұқсайды, өз кіндігінен сияқты, аман болыңыздар», «Мерей өте керемет қыз, өте тәрбиелі, саналы, көзі ашық, көкірегі ояу қыз», — деп жазды желі қолданушылары.
Посмотреть эту публикацию в Instagram
Публикация от Bas arip (@basarip2024)
