Атырауда Cad Skills республикалық чемпионаты басталды, деп хабарлайды 24kz.
«Жұмысшы мамандықтар жылы» аясында еліміздің әр өңірінен келген студенттер «Инженерлік графика CAD құзыреттілігі бойынша сынға түседі. «Бұл жас инженерлердің біліктілігін арттырып, тәжірибесін шыңдауға мүмкіндік береді», — дейді ұйымдастырушылар.
«Техникалық және кәсіптік білім беру ұйымдарының беделін арттырып, WorldSkills қозғалысын дамытуда мұндай іс-шараның маңызы зор», — дейді сарапшылар. Сондай-ақ өңір жастарының халықаралық додаларда да бақ сынауына жол ашады. Чемпионат 5 маусымға дейін жалғасады.
Ағзамбек Қабылбек, сарапшы:
- Бұл чемпионаттың бізге берер мүмкіндігі – алдағы республикалық чемпионатқа дайындыққа үлкен мүмкіндік, пікір алмасу. Біз эксперттер арасында республикалық чемпионатқа бірқатар әлемдік стандартқа сәйкес өзгерістер енгізуге, пікір алмасуға үлкен мүмкіндік болады деп үміттенемін.
