Ресейде 2 пойыз жарылды. Жергілікті шенеуніктерге сілтеме жасаған Reuters агенттігінің хабарлауынша, кеше түнгі сағат 23.00-ге қарай Брянск облысында жолаушылар пойызы автокөлік көпірінің астынан өтіп бара жатқанда жарылыс болған.
7 адам қаза тауып, 73-і жараланды. Олардың 44-і ауруханада. Арасында 4 бала бар. Бір сәби санавиациямен Мәскеуге жеткізілді. Осыдан 4 сағаттан кейін көршілес Курск облысында да тас жол үстіндегі теміржол көпірі жарылып, жүк пойызы қираған. Ресейдің Тергеу комитетінің өкілдері 2 көпірдің жарылғанын және бұл оқиғалардың өзара байланысы барын айтты.
Александр Богомаз, брянск облысының губернаторы:
- «Климово-Мәскеу» пойызында 388 жолаушы болған. Қазіргі сәтке дейін 7 адамның қаза тапқаны белгілі. Жараланғандар бар. 8 айлық сәби ауыр халде жатыр.
