Танымал журналист Самал Ибраева өзінің Facebook парақшасында министр Ақмарал Әлназарова туралы жазды, деп хабарлайды Sn.kz ақпарат порталы.
Журналист Денсаулық сақтау министрінің ұшақ бортында денсаулығы нашарлаған жолаушыға көмектескеніне сенбейтінін айтты.
"Министрлер әдетте бизнес класспен ұшатынын жақсы білемін. Ок, ұшса ұша берсін. Кеше Астанадан Алматыға ұшарда, денсаулық сақтау министрінің эконом класқа отырғанын көріп таңқалғам. Сөйтсем пиар-акция жасау үшін отырған екен. Енді бүгін Алматыдан Астанаға ұшарда тағы министр ханымды көріп қалдым. Бұл жолы Әлназарова как положено бизнес класпен ұшып келді. Кеше барлығы пиар үшін ұйымдастырылғанына нақты көзім жетті. Әлі күнге дейін кешегі “құтқару акциясы” кездейсоқ болды дегенге біреу сене ме?
Айтпақшы, осы неге біздің шенеуніктерді үнемі осылай плакатпен қарсы алып жатады түсінбеймін. Әлде аэропорта адасып қала ма дей ме? Бұлай қарсы алу да ақша тұрады ғой негізі", — деп жазды Самал Ибраева.
Айта кетейік, желіде Денсаулық сақтау министрі Ақмарал Әлназарованың жолаушыға медициналық көмек көрсеткен видеосы тарап, қызу талқыға түсті. Кейіннен журналист Гүлбану Әбенова белгісіз жолаушының өзі екенін айтып, шынымен дәрігердің көмегіне мұқтаж болғанын мәлімдеді.
Посмотреть эту публикацию в Instagram
Публикация от Samal Ibrayeva (@samal.live)
