Оңтүстік өңірдің тұрғындары түнде жер сілкінісін сезді, — деп хабарлайды Massaget.kz тілшісі.
3 қарашада Астана уақытымен сағат 01:29-да жер сілкінісі тіркелген. Эпицентрі Алматы қаласынан оңтүстік-батысқа қарай 1079 шақырым жерде, Ауғанстан аумағында орналасқан.
"Жер сілкінісінің энергетикалық класы — 14.2. MPV магнитудасы — 6.2", — деп жазылған ТЖМ хабарламасында.
Жер сілкінісінің күші былай сезілген:
- Шымкент қаласы — 2 балл;
- Түркістан облысы Мақтаарал ауданы Мырзакент ауылы — 2 балл;
- Түркістан облысы Жетісай ауданы Жетісай қаласы — 2 балл;
- Түркістан облысы Шардара ауданы Шардара қаласы — 2 балл.
ТЖМ мәліметінше, зардап шеккендер мен қираған ғимараттар туралы мәлімет түспеген.
Аптаның басты оқиғалары мен пайдалы видеоларды көру үшін YouTube арнамызға жазылыңыз
