Еуропа одағы 150 миллиард еуроға қару-жарақ қорын құру жоспарын мақұлдады. Бұл шешім келешекте Ресейдің шабуылдарына төтеп беру мақсатында және АҚШ-тың «Қарт құрлықты» қорғау ниетіне күмән күшейгендіктен қабылданып отыр. «Еуропа үшін қауіпсіздік әрекеті» деп аталатын құжатты одақтағы 27 елдің 26-сы қолдаған. Бірақ Брюссельде өткен дауыс беруден Венгрия қалыс қалды. Айта кетсек, Украинада соғыс басталғалы Еуропа одағы онсыз да қорғанысқа шығынды 30 пайызға арттырды. Алайда аймақ лидерлерінің пікірінше, бұл қаражат армияны күшейтуге әлі де жеткіліксіз.
Арыстан Рысбек
