Ашық аспан астындағы кинотеатрда «Желаяқ» анимациялық фильмі көрсетіліп жатыр. Көпшілік тың туындыны тамашалау үшін Астана қаласындағы «Жетісу» паркіне жиналған. Әріптесім Ернұр Медетте солардың жанында. Қазір бізбен тікелей эфирге қосылуға дайын тұр. Ернұр алаңдағы атмосфера қалай?
Ернұр Медет, тілші:
Қаладағы қарбалас баяулаған шақта экран алдына жайғасқан көрерменнің көңіл күйі жақсы. Көркем көрініс, әртүрлі жарық шамдар, жайлы орын және таза ауа. Барлығы сәтті үйлесім тапқан. Елорда да әдеттегідей аздап самал жел соғып тұр. Өздеріңізге белігілі, «Желаяқ» мульфилімі — «Қазақстан» телерадиокорпорациясына қарасты «Balapan» телеарнасының төл өнімі. Анимациялық туынды осы айдың басында ғана үлкен экранға жол тартқан еді. Еліміздегі барлық кинотеатрларда көрсетілді. Енді 1 маусым балалар күніне орай, ашық аспан астында ел назарына ұсынылып отыр. Жарқын бояу, жағымды әуен, тілге жеңіл тіркес, жалпы қазақы танымдағы қаһарманды насихаттайтын туынды балалардың да көңілінен шығып жатқан сияқты.
Ернұр Медет, тілші:
Толықметрлі мультфильмнің ұзақтығы 1 сағат 8 минут. Бас кейіпкер Әлем есімді бірінші сынып оқушысы. Оиға осы Әлемнің супер қабілетке ие болып, зұлым күштермен күресу арқылы өрбиді. Жалпы бүгінге дейін «Balapan» телеарнасынан 160 мультхикая жарық көріпті. Арна алдағы уақытта да балаларды жаңа жобалармен қуантуды жоспарлап отыр.
Ернұр Медет
