Индустриялық кооперация және өзара инвестиция .
Бұл Қазақстан-Әзербайжан арасындағы бағындырар жаңа бағыт. Көрші ел стратегиялық серіктес және өнеркәсіптік кооперация алаңы ретінде қарастырылады. Бұл Түркітілдес әлем елдерінің сауда ынтымағын дамытудың бір қыры. Бүгін бизнес форум өтіп, нақты 16 келісімге қол қойылды. Ал пысықталып жатқан жобалар 100-ге жуықтайды.
Теңізді тел емген Әзербайжан бізге көрші ғана емес, Азия мен Еуропаға шығатын көпір. Көрші елдің Армениямен бейбіт келісімге келуі де көп кедергіні жойды. Мәселен, Зангезур дәлізі ашылып, тасымал жағрафиясы жандана түсті. Енді Қазақстан тек шикізатпен шектелмей, экспорт қоржынын түрлендіруге бейіл. Агроөнеркәсіп өнімін көбейтпек. Бидайдан бастап, дәнді дақыл, май мен картоп. Жалпы жиынтығы 15 млн тоннаға жуық тауар. Әзербайжанның да жеткізері мен бірлесе іске асырары бар.
Юсиф Абдуллаев, Azpromo экспортты және инвестицияларды ынталандыру агенттігінің атқарушы директоры:
- Минералды су жіберу және өнеркәсіптік аяқ киім өндірісі нақты бекітілген келісімдер. Сондай-ақ, біздің агенттік Даму Қорымен туристік саладағы жобаларды, сауықтыру кешендерін, электр аспаптарын өндіруді көздеп отыр.
Біз Орталық Азияда ІТ-қызмет экспорты бойынша көш басындамыз. Соңғы 5 жылда 50 млн.нан 600 млн долларға дейін артқан. Бұл қабілетімізге Әзербайжан бей-жай қарай алмады.
Айдар Әбілдабеков, ҚР Сауда және интеграция министріінің орынбасары:
- Екі ел қосарланған салыққа қарсы. Инвестицияларды өзара қорғауға тырысады. Көлік-логистикасының көрсеткішін көтеруді көздейді. Бұның бәрін 170-ке жуық екі жақты құжат реттеп тұр. Ал, былтырдан бері тараптар қор құрды. Онда әзірге 300 млн доллар жатыр. Үздік бизнес жоба ұсынғандар қаржыдан қолдау табады.
Нысаналы Ығыл, Асхат Қарақойшиев
