АҚШ-та президент Дональд Трамптың саясатына қарсы "No Kings" ("Патшаларға жол жоқ") атты наразылық акцияларына ел бойынша жеті миллион адам қатысты, — деп хабарлайды Massaget .kz тілшісі.
Бұл туралы қозғалыстың ұйымдастырушысы, Америкалық азаматтық бостандықтар одағы (ACLU) өз сайтында мәлімдеді.
"Еліміздің түкпір‑түкпірінде жеті миллион адам демократиямызды қорғау үшін шеруге шықты", — делінген хабарламада.
Ұйымдастырушылардың дерегінше, сенбіде қатысушылар саны маусымдағы No Kings акцияларымен салыстырғанда екі миллионға көп болды.
АҚШ БАҚ‑тары наразылықтардың ахуалын сипаттады. Нью‑Йоркте түске таман Таймс‑сквер алаңы жұртқа толып, карнавалға ұқсас атмосфера орнады: адамдар жарқын плакаттармен келіп, арасында костюмдер кигендері де болды. "Трамп кет!" деп ұрандатқан топтар жалау ұстап жүрді.
Посмотреть эту публикацию в Instagram
Публикация от Indivisible Guide ❌
