Бұл туралы «Digital Tañba: нарықтың ашықтығы – экономикалық өсудің негізі» форумында айтылды. Бұл жүйе көлеңкелі экономиканы азайтып, бюджет кірісін арттыруға мүмкіндік берді. Сауда және интеграция министрлігінің дерегінше, өткен жылы жалпы құны 12,8 миллиард теңгені құрайтын заңсыз темекі өнімі анықталған. Енді фармацевтика саласына да таңбалау енгізіліп, жалған препараттардың таралуына жол берілмейді. Сарапшылардың айтуынша, жүйелі жүйенің арқасында биылдан бастап мемлекет жылына 50 миллиард теңгеге дейін үнемдей алады. Цифрлық таңбалау әділ бәсекені нығайтып, экономикалық өсімге серпін бермек.
Ольга Дюкарева, Өнімді сериализациялау және агрегацияны басқару бойынша компанияның бөлім басшысы:
- Біздің компания ресми енгізуден бұрын пилоттық жобаға қатысып, алдын-ала дайындалдық. Арнайы жабдық сатып алып, регуляторға деректерді беру жүйесін құрдық. Бұл бағытта 1,5 миллион еуро инвестиция салдық. Ең бастысы таңбалау пациенттердің қауіпсіздігін арттырып, дәрі-дәрмек нарығын контрафактіден тазартуға көмектеседі.
