Бүгіннен бастап ақылы жолдардың ақауы бар учаскесінде жол жүру ақысы тегін, — деп хабарлайды Massaget.kz тілшісі .
15 қыркүйектен бастап республикалық маңызы бар ақылы жолдарда төлем ережелері өзгерді. Қазір елімізде 27 ақылы жол бар.
"Ақылы жолда жол қозғалысы қауіпсіздігіне әсер ететін және жөндеуді талап етіп тұрған учаске болса, дәл сол аралық үшін жөндеу жұмыстары толық аяқталғанға дейін төлем алынбайды. Мысалы ақылы жол учаскесінің жалпы ұзындығы 100 шақырым болса, оның 5 шақырымы жөндеуді талап етсе, онда жол бойындағы ақаулар жойылғанға дейін жүргізушілер тек 95 шақырым жол үшін ғана ақы төлейді", — деп жазылған хабарламада.
Әр жүргізуші ақау туралы тәулік бойы жұмыс істейтін 1403 нөміріне қоңырау шалып, хабарлай алады. Жаңа ереже республикалық және халықаралық маңызы бар ақылы жолдарға қолданылады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
