Бұл туралы "ҚазАвтоЖол" компаниясы хабарлады.
Компания өкілдері 1403 байланыс орталығына хабарласып, тәулік бойы қосымша ақпарат алуға болатынын да ескертті, деп жазады inbusiness.kz сайты.
"18 желтоқсан сағат 15:00-де республикалық маңызы бар "Атырау – Орал – РФ шекарасы" автожолының 179-189 шақырым аралығында (Индербор кентінен Батыс Қазақстан облысының шекарасына дейін) барлық көлік түрлері үшін қозғалыс ашылды", – делінген хабарламада.
Айта кетейік, сағат 13:00-де ауа райының қолайсыздығына байланысты "Атырау – Орал – РФ шекарасы" автожолының 67-189 шақырым аралығында көліктің барлық түрінің қозғалысына шектеу қойылған болатын.
