Жүзім – ағзадағы "жаман" холестерин деңгейін төмендетіп, атеросклероз қаупін азайтуға қабілетті полифенолдардың көзі. Бұл туралы гастроэнтеролог Людмила Сухорукова РИА Новости-ге берген сұхбатында айтты, — деп хабарлайды Massaget.kz тілшісі.
"Жүзім құрамында полифенолдар деп аталатын антиоксиданттар бар. Олар жаман холестеринді төмендетіп, атеросклероздың алдын алады. Сондай-ақ жүрек бұлшықетінің жұмысына оң әсер етеді", – деді дәрігер.
Маманның айтуынша, жүзімде тағы бір пайдалы зат – ресвератрол бар. Ол ағзаға түскенде тамырларды нығайтып, олардың қабырғасын босаңсытады, осылайша қан қысымының көтерілуіне жол бермейді.
Жүзім құрамында қан ұйығыштарының түзілуіне кедергі жасайтын флавоноидтар да бар.
"Флавоноидтардың ішінде ағза үшін ең маңыздыларының бірі – рутин. Бұл зат тамырларда тромбтардың пайда болуына жол бермей, инсульт пен инфаркт қаупін азайтады", – деп түсіндірді дәрігер.
Өзекті жаңалықтарды өз уақытында оқу үшін Facebook парақшамызға жазылыңыз!
