Елде 1 тамыз бен 20 қазан аралығында Ұлттық ауыл шаруашылығы санағы өткізіледі, деп хабарлайды 24kz.
«Бұл аграрлық сектордың әл-ауқаты жайлы деректер жинақтап, саланы дамыту шараларын нақты жүргізу үшін қажет», — дейді мамандар. Мұндай санақ соңғы рет 2006-2007 жылдары жүргізілді. Ол кезде өсімдік және мал шаруашылығы бөлек сараланған еді. Биыл барлығы бір мезетте есептеледі. Санақтың алғашқы кезеңі тамыз айында онлайн сауалнама форматында өтеді. Ал қыркүйек-қазан айында мамандар шаруашылықтарды аралап шығады. Тиісті жұмыстарға республикалық бюджеттен 3,7 млрд теңге бағытталды.
Мақсат Тұрлыбаев, ҚР СЖРА Ұлттық статистика бюросының басшысы:ч
- Барлық кезең аяқталғаннан кейін біз 2025 жылғы желтоқсанда санақтың алдын ала нәтижелерін жариялайтын боламыз. Соңғы жиынтық деректер мен аналитикалық есептер Ұлттық статистика бюросының сайтында көпшілікке 2026 жылы жарияланатын болады. Барлық субъектілер санаққа қатысу қажет. 3 млн-дай шаруа бар, 300 мыңдай кәсіпкер бар.
