Елімізде конституциялық Сотқа кез келген азамат жүгіне алады, алайда заңды тұлғалардың ондай құқығы жоқ. Конституциялық Сот қылмыстық, азаматтық және әкімшілік істер бойынша сот актілерін қайта қарамайды, тек нормативтік құқықтық актілердің Конституцияға сәйкестігін ғана тексереді. Азаматтар сот сатыларынан толық өтпей-ақ, егер нормативтік құқықтық актілер императивті сипатта болып, тікелей әсер етсе, бірден өтініш бере алады. Бірнеше заң нормасын бір өтінішпен даулауға болады және өтініш беру мерзімі шектелмейді. Конституциялық Сот тек азаматтардың өтініші негізінде жұмыс істейді. Ол – сот жүйесіне кірмейтін, Конституцияның үстемдігін қамтамасыз ететін тәуелсіз орган.
Айта кетейік, елімізде Конституциялық Сот жұмысын 2023 жылдың қаңтарынан бастаған болатын.
Салтанат Нұрымбетова, ҚР Конституциялық соты аппараты бөлімінің меңгерушісі:
Конституциялық реформа арқылы азаматтарға осындай құқықтың берілуі біздің еліміздің демократиялық негіздерінің мызғымастығын тағы да бір көрсетуде. Осы екі жыл 7 айдың ішінде 74 нормативтік қаулы шығарған. Нормативтік қаулы дегеніміз, бұл қорытынды шешім, конституциялық соттың.
Азамат Бейбітұлы
