Танымал журналист , қоғам белсендісі Гүлмира Әбіқай Маңғыстау облысы әкімінің некесіз туған баласы туралы бар шындықты мәлім етті.
Бұл туралы Caravan.kz. медиа порталы хабарлайды.
Журналист облыс әкімінің некесіз туған баласы туралы желідегі парақшасында мәлімдеді.
Әкім әкесі болып шықты. Былай қарасаң екі адамның жеке мәселесі, басқаша қарасаң бір облысқа әкім болып отырған лауазымды мемлекеттік қызметкер бір баласына ие бола алмай отыр. Егер, осы жағдай басқа мемлекетте болса мемлекеттік шенеунік сол күні қызметтен кетер еді, қоғам кетірер еді. Обл. әкім тұрмақ Мониканың кесірінен АҚШ Президенті Клинтонның тақтан тайғанын білеміз.
Маңғыстау облысында 813 мың халық бар. Миллионға жуық жұрттың жағдайын ойлаудың орнына бір әйелмен алысып жүргені , әлбетте, әкім басына сын. Өз баласынан өзі безуі тіптен еш адамгергішілікке жатпайды.
Ал, не болды, ал? Сот бала өңір әкімі Н. Қилыбайдыкі екенін дәлелдеп, алимент төлеуді міндеттеді. Енді Әміре батыр 18-ге толғанша шенеунік әкесі тапқан табысының 25% алиментке төлейді. Осыған дейін Ынташ екеуінің арасындағы ым-жымды енді бүкіл ел білді. Айтпақшы, Маңғыстау облысы әкімінің жалақысы қанша екен? Бұрынғы әкім Ноғаев еңбек өтіліне орай айына 2 млн тг. жалақы алатын.
Біреуі әкім, біреуі экс-депутат. Бұларға Президент міндеттеген жұмыс функциясы: өңірдегі халықтың әл-ауқатын көтеру, экономикасын дамыту, денсаулық, білім саласын жетілдіру. Өңірде жастар арасындағы топтық төбелес, пышақтау сынды қылмыс та жиі орын алады. Жат ағымның артынан кеткен діншілдер проблемасы тағы бар.
Ал, бұлар қосылып алып пуси-муси. Төсек қатынастарын елдің проблемасы қылып тастағаны ұят енді! Маңғыстау өңірі салт-дәстүрін сақтаған, әйелдері ұзын етек, бешпент, камзол, ақ жаулығын тастамаған киелі мекен ғой. Осындай қасиетті мекен атын кірлетті деп моральдық құқықты даулап сотқа берсеңіз де болады екеуін», — деп жазды журналист.
