Медициналық қызметкерлердің қауіпсіздігін қамтамасыз ету үшін елдегі емханаларда 152 полиция бекеті орнатылды.
Денсаулық сақтау министрлігі аумақтық полиция департаменттерімен бірлесіп ұйымдастырған бұл посттар тәулік бойы жұмыс істейді. Оның 30-ы қалалық стационарларда, 10-ы облыстық, 12-і балалар, 5-і перинаталдық орталықтарда, 48-і аудандық орталық, ал 23-і аудандық ауруханаларда орналасқан. Полиция қызметкерлері оқиғаларға жедел әрекет етіп, медицина қызметкерлері мен пациенттердің қауіпсіздігін қамтамасыз етеді.
Еркін Мұратұлы, Жергілікті полиция қызметі бөлімінің бастығы:
- Егер орын алған жерде қылмыстық құқықбұзушылық белгісі болатын болса, онда электронды планшетпен жасаған құқықбұзушылыққа сәйкес хаттама толтырылып, осы оқиға орын алған жерде соны қарайды. Егер басқада оқиғалар орын алған жағдайда оны міндетті түрде ақпаратты енгізу кітабына тіркейді. Тіркелгеннен кейін жан жақты тексеру жұмыстарын жүргізеді. Егерде қылмыстың белгісі болатын болса, оны сотқа дейінгі тергеп-тексеру бірыңғай тізіміне енгізеді.
Нұркен Бектенов, дәрігер:
- Полиция қызметкері келгеннен кейін яғни өзінің тоны түседі. Кішкене жалпылама өздері айқайды азайтады. Яғни қорғаныс жағынан бізге жақсы көмек көрсетіп жатыр.
