Ақтауда 8 мың студент «AI-SANA» ұлттық бағдарламасымен оқып шықты, деп хабарлайды 24KZ. Олар арнайы курста жасанды интеллект негіздерін меңгеріп, сабақта тиімді пайдалануды үйренді. ІТ бағытта білім алып жатқан жастар сайт жасап, мобильді қосымшаға код жазатындай деңгейге жетті.
Ендігі жоспар – жасанды интеллект көмегімен түрлі салаға арналған стартап жобалар дайындау. Осы мақсатта жергілікті мемлекеттік университетте «Жасанды интеллект және компютерлік ғылымдар» факультеті ашылды. Соған орай 20 оқытушы нейросеть, машиналық оқыту және компьютерлік көру технологиясы бойынша курс оқып келді.
Ерлан Түргенбаев, жобаны үйлестіруші:
- Келесі сатысы біздің студенттерімізбен, атап айтқанда, «DeepTech» стартап дейді. Яғни осы ЖИ көмегін пайдалана отырып, жоғары деңгейдегі стартап компанияларды дамыта білу. Біздің болашақ түлектеріміз экономикаға кірген кезде олардың мына жасанды интеллектні айналып өтпей, өздерінің жұмысына тиімді пайданалып, өздерінің іске асыратын жобаларының сапасын көтереді.
