Инвесторлардың жұмыс орындарын құруға қатысты жауапкершілігін арттыру керек. Премьер-министр Олжас Бектенов осылай деді. Осы бағытта мониторинг жасау үшін Инновациялық жобалар навигаторы әзірленді. Ақпараттық жүйе жаңа жұмыс орындарының санын, олардың еңбек нарығындағы қажеттілікке сәйкестігін, сондай-ақ, жұмыс берушілердің жұмыспен қамту жоспарларының орындалуын қадағалайды. Үкімет басшысы шетелдік және отандық инвесторлардың жауапкершілігін күшейтіп, инвестиция көлемінің ең кемі 30 пайызын құрайтын еңбекақы төлеу қорын қалыптастыру талабын сақтау қажет деді. Былтыр жұмыс орнындағы апаттар салдарынан 1400-ден астам адам зардап шеккен. Ал, биыл Ұлытау облысындағы «Қазақмыс» корпорациясының «Жомарт» шахтасында апат болып, 7 адам қаза тапқан еді.
Нұрсұлтан Тілектес
