Қазақстанда жаңадан Sarbaz+ пилоттық жобасы іске қосылады.
Бағдарлама әскери қызметшілерді даярлау сапасын арттыруға және заманауи технологияларды күнделікті қолданысқа енгізуге бағытталған. Мамандар жобаны алдағы күз айында Алматыдағы 78460 әскери бөлімінде сынақтан өткізуді жоспарлап отыр. Яғни әскерге шақырылған 150 сарбаз жаңа форматта қызмет атқарады. Сондай-ақ жауынгерлердің биометриялық көрсеткішін бақылау үшін фитнес-білезік беріледі. «Бұл жеке құрамның денсаулық жағдайын бақылауға көмектеседі», — дейді мамандар
Бекжан Мырзағалиев, ҚР Қорғаныс министрлігі ақпараттық технологиялар департаментінің бастығы:
-Жалпы ескі әдістерді жаңаша транформациялап жатырмыз. Психологиялық сабақтар, қазақ тілі, ағылшын тілі сабақтары жүргізіледі. Сосын Қазақстан шахмат федерациясымен келісіп, шахмат сабақтарын жүргіземіз. Дронды пайдалану. Жай ғана әуеге көтеру емес, қалай заңды түрде қолдануға болады, қандай талаптар бар, соның бәрін түсіндіріп, оқытамыз.
