Парламент Сенатының депутаттары Алматыда бірқатар ғылыми-зерттеу ұйымдарын аралады.
Ионосфера институты және Василий ФесЕнков атындағы астрофизика институтында болып, ұйым басшыларымен кездесулер өткізді. Сенаторлар ғарыш кеңістігін зерттеу саласындағы жобалармен танысты. Қазір Астрофизика институты Қазақстанда астрономиялық хаб құру бойынша ауқымды халықаралық жобаны жүзеге асырып жатыр. Хаб Іле Алатауындағы Асы-Түрген обсерваториясында жұмыс істейтін болады. Жобаның негізгі мақсаты астрофизика саласында іргелі және қолданбалы зерттеулер жүргізетін әлемнің жетекші ғылыми құрылымдарын елге тарту.
Ғалиасқар Сарыбаев, ҚР Парламенті Сенатының депутаты:
- Астрофизикада болашақ бар ғой бұл жерде, соның бәрі болашақта бізге не береді? Біздің жеріміз үшін қандай қауіп-қатерлер бар? Астрофизика мәселелерінде бізде ғылыми жұмыстар бар, гранттар бар көптеген. Басқа мемлекеттермен қандай қарым-қатынаста? Соның бәрін біріктіріп, бір интеграцияға келе алатын болсақ, болашақта, жалпы алғанда әлемнің қауіпсіздігі.
