Семей тұрғыны танысын 7,5 млн теңгеге сан соқтырған, — деп хабарлайды Massaget.kz тілшісі.
Семей қаласының 52 жастағы тұрғыны полицияға алаяқтық дерегі бойынша шағымданған. 2024 жылы шілдеде танысы арзан бағамен пәтер алып беремін деп сендіріп, 7,5 миллион теңгені қолма-қол алып кеткен.
"41 жастағы күдікті жәбірленушімен арадағы сенімді пайдаланып, пәтер мәселесін шешемін деп уәде еткен. Алайда келісім жүзеге аспай, ол қаражатты жеке мақсаттарға жұмсаған. Күдікті ұсталып, тергеу барысында өз кінәсін мойындады. Ақша қайтарылған жоқ", — деді полиция.
Бұл дерекке қатысты ірі көлемдегі алаяқтық бабы бойынша соталды тергеп-тексеру басталды.
"Күдікті уақытша ұстау изоляторына қамалды. Ресми келісімсіз, құжаттарды тексермей тұрып ешкімге ақша бермеңіздер. Тіпті таныстарыңызға да", — деп ескертті полиция.
Қызықты жаңалықтар мен видеоларды көру үшін TikTok арнамызға жазылыңыз!
