Жетісу облысының шаруалары қысқы мал азығын қамдап жатыр.
Қыс қамын жаз ойлаған дала еңбеккерлері биыл 2 млн 200 мың тонна жем-шөп қорын жинамақ. Жоспардың 23 проценті орындалды, дейді сала жауаптылары. Ал шаруалар не дейді? Шөптің шығымы қалай?
Өмірбек Ахметов жетекшілік ететін серіктестік жұмысшылары жоңышқа алқабын орып жатыр. Маңызды науқанға алты техника мен оншақты адам жұмылдырылған.
Өмірбек Ахметов, шаруашылық жетекшісі:
- Бірінші укосымыз орташа есеппен 4 тонна беріп тұр. Бір гектарға шаққанда. Бірақ алда да үмітіміз бар. Екінші укосымыз ол августтың 20-25 іне таман келеді. Шаруашылық бойынша 15 мың рулон дайындаймыз. Солымыз мал жанымызға жетеді.
Қысқы мал азығығын жеткілікті көлемде қамдау үшін шаруашылық жетекшісі таулы аймақтағы шөпке де шалғы салады. Сөйтіп, пішендеме, сүрлем дайындайды. Биыл бұл жұмыс жылдағыдан қиындау болғалы тұр.
Өмірбек Ахметов, шаруашылық жетекшісі:
- Биылғы ауа райының қолайсыздығынан май айында 40 градусқа дейін барды. Шөптер тез басын жарып жіберді. Бірақ урожайность төмен ол жақтарда. Екіншіден, саранча болып кетті. Соған қарамастан біздің еңбеккерлер алдымызға қойған жоспарымызды ойдағыдай аламыз деп отырмыз.
Сапақ ауылдық округінде 40 шақты шаруа қожалық бар. Оларға 1800 гектар шабындық жер берілген.
Ерболат Биікбаев, Сапақ ауылдық округінің әкімі:
- Біздің округ, таулы болғандықтан шөптің массасы бар. шөпті биыл жинап үлгереміз. Жоспарға кіреміз. Кішкентай шаруа қожалықтар үлкен шаруа қожалықтармен бірігіп шөпті жинап үлгереміз. Өткен жылы 1500 тонна жоспар болған. Биыл 1700 тонна.
Жетісу облысының оңтүстігінде шөптің шығымы төмен. Соған қарамастан жылдық қор әзірленеді, дейді ауыл шаруашылығы саласындағылар.
Шыңғыс Қалиден, Қуаныш Түргенбаев
