Танымал шахматшы Бибісара Асаубаеваның әлеуметтік желідегі парақшасында жанкүйерлер арасында шағын сауалнама өтті, деп хабарлайды Skifnews.kz ақпарат порталы.
1bol.kz порталының мәліметінше, жазылушылардың бірі бойжеткеннен: «Саған жігіттер мен қыздардың қандай қасиеттері ұнайды?» деп сұрақ қойды.
Асаубаева оған былай деп жауап берді:
1. Тәрбиелі
2. Мейірімді
3. Жомарт
4. Орынды әзілдейтін
5. Дамуға ұмтылатын
"Ең бастысы — шынайылық. Екіжүзділікті мүлде ұнатпаймын", — деп жазды шахматшы өзінің Instagram-парақшасында.
Айта кетейік, 21 жастағы Тараз тумасы – блиц шахматтан екі дүркін әлем чемпионы. Ол 2021 және 2022 жылдары әлем біріншілігінде топ жарған. Сондай-ақ 2021 жылы Бибісара блиц шахмат тарихындағы ең жас әлем чемпионы атанған.
