Ресейде Аи-92 және Аи-95 маркалы бензині 12 пайызға қымбаттап, тоннасына 68 мың рубльден асты. Сонымен қатар, мазут құны 20 пайызға бірақ өсті. «Әлемде мұнай бағасының өсуі және Ресейден отын экспортына шектеулердің енгізілуі жанар майдың одан әрі қымбаттауына ықпал етті»,-дейді мамандар. Сондай-ақ бүгіннен бастап көрші елде коммуналдық төлемдер де қымбаттады. Сарапшылардың айтуынша, бұл инфляцияны тездетіп, экспорттық кірістің төмендеуі кезінде шығындарды өтеуге мүмкіндік береді.
Юлия Дольная, сарапшы:
Бағалар негізсіз өсуде. Инфляция тоғыз пайыздан асты. Бұл тұрғын үй саласына айтарлықтар әсер етуде. Банктер әрбір екінші адамға ипотека беруден тас тартуда. Себебі азаматтардың төлем қабілеті төмендеп кеткен. Ал мерзімі өткен ипотекалық қарыз көлемі 129 миллиард рубльден асты.
Өзбекстанда газ бен мұнай өндірісі төмендеді
Орталық Азиядағы көгілдір отын қоры мол елдердің бірі Өзбекстанда газ өндіру біршама төмендеді. Соңғы бес айда 18 миллиард текше метр табиғи газ өндірілген. Бұл былтырғымен салыстырғанда 3 пайызға кем. Ұлттық статистика комитеті осындай мәлімет таратты. Мұнан бөлек, жыл басынан бері мұнай мен бензин өндіру де кеміген. Өткен бес айда 270 мың тонна қара алтын шығарылды. Яғни, алдыңғы кезеңмен салыстырғанда мұнай көлемінің 11 пайызға азайғаны байқалады. Сәйкесінше, жанар-жағармай өндірісі 14 %-ға төмендеген. Есесіне, электр қуатын өндіру мен оны сыртқа саудалау көлемі артып отыр. Бес айда көрші ел энергияны шетке сатудан 100 миллион долларға жуық табыс тапты.
Индира Бегайдар
