Қостанай облысының Рудный қаласында бір аптада 3 бала терезеден құлады. 16 маусым күні 7 жасар бала үйдің бесінші қабатынан , дәл сол күні бірнеше сағаттан соң 1,5 жастағы бүлдіршін екінші қабаттан құлап, ауруханаға түсті.
Өкіншіке қарай, бір апта жансақтау бөлімінде жатқан бүлдіршін ауыр жарақат салдарынан көз жұмды. 22 маусым күні тағы бір — 2 жастағы бала екінші қабаттан құлап, бірнеше күннен соң облыстық балалар ауруханасына ауыстырылды.
Игорь Белобржицкий, Қостанай облыстық балалар ауруханасының хирургі:
2018 жылғы баланың екі өкпесіне зақым келген. Рудный қаласының дәрігерлері алғашқы көмек көрсетті, кейін осы жерде толық ем алды. Ертең үйіне шығарамыз. Ал 2 жасар баланың жағдайы ауыр, бірақ тұрақты. Есін біледі. Сондықтан ата-аналар мұқият болып, бала қауіпсіздігі үшін терезеге металл тор қоюы қажеттігін ескертеміз.
Мәдина Нағашыбай
